الى كاتبة المشكلة ( الملاك الحزين فى ظلام الحياة )

الى كاتبة المشكلة ( الملاك الحزين فى ظلام الحياة )

---------------------------------------------------

مشكلتك لها جانبين ، جانب يتعلق بوالدتك وجانب يتعلق بنفسك 
الجانب الاول : لا شك أن والدتك تحبك يوجد لديها حالة من القلق والرغبة فى الأطمئنان عليكي وأن تراكي سعيدة مع زوجك فى بيتك ولكن طريقة تعبيرها عن قلقها فيها أخطاء وعدم وعي بمشاعرك وهي أخطاء مؤلفة بالحب ولكنها فى نفس الوقت تؤلمك وقد أضرت بثقتك بنفسك ، للاسف المجتمع المصري يعطي قيمة للفتاة إذا ارتبطت بالزواج وخاصتاً إذا كان زوج يعمل فى وظيفة مميزة ولكن الفتاة التي أثبتت نفسها فى عملها وفي مستقبلها المهني لا تأخذ نفس المكانه ودائما هناك علامة إستفهام تطاردها ، السؤال هو إذا كانت تملك كل هذه المميزات فلماذا لم تتزوج ويكون فى هذا إدانه لها بدون ذنباً منها ، تأخر سن الزواج هو مشكلة مجتمع بأكملة يعاني إقتصادياً ومصاب بأمراض إجتماعياً مثل التنافس والتفاخر والطلبات المبالغ فيها من العريس مما يمنع من إقدام كثير من الشباب على الزواج ولكن للاسف تحمل الفتاة وزر مجتمع بالكامل . 

أما الجانب الثاني وهو نفسك :

يجب أن يكون عندكي من الوعي والفهم لظروف هذا المجتمع ولا تشاركيهم فى إتهامك لنفسك ويكون هدفك هو بناء مستقبلك المهني والثقافي والعلمي والأهتمام بمظهرك حتي تكتسبي الثقة بالذات وتسميها رحلة بناء الذات . 

------------------------------------------------------

شاركوا معنا بأرئكم فى حل هذه المشكلة

( الملاك الحزين فى ظلام الحياة )

--------------------------------------

ضغط الأهل علي البنت في الزواج وكلامهم وكل شوية مامتك تقولك القطر هيفوتك والعمر بيجري وبكرة تندمي والبنت لها زهوة وكلام بيوجع قوي وكمان بتحسي أنك عبء عليهم أتخرجتي وقاعدة في البيت ومعندكيش أصحاب ومبتخرجيش برة وقاعدة علي طول في البيت حتي الفضفضة مبتقدريش تفضفضي لأنك بتلاقي هجوم عليكي وكلة علشان مبتوافقيش علي إلي بيتقدمو وده بسبب أنهم مش مناسبين حد يقولي أعمل أية لأن أمي بتجرحني قوي بكلامها وأنا من النوع ألي بيتناقش يعني لو سمعت كلمة بفضل أقولها دة نصيب وهيجي في وقت معين زي الموت بالظبط بس هي مبتقتنعش أنا ببقي عايزة ارد عليها بس هي ديما بتصدني عنها وديما متجاهلاني خالص أنا بنتها الكبيرة بس هي لما تحب تحكي بتحكي لأختي الأصغر مني ديما مش بتديني فرصة أحكي معاها لو جالي عريس أقولها قوليلي معلومات عنة طب أي حاجة أسمه حتي أمي مبتبقاش عارفة أسمه ولا حتي بتسأل عنه هي أمي طيبة والله ونفسها تفرح بيا بس معرفش أتعامل أزاي معاها ووخصوصا أنها بتجادل كتيررر وبتغلط اللي قدامها حتي لو صح وتعبت معرفش أعمل أية أنا بقيت ذبلانة بسبب العياط بسببها أنا نفسي تجبر بخاطري وتقولي كلمة حلوة هي علي طول وجعاني مااشي أمك ثم أم ثم أمك بعمل أقصي مافي جهدي علشان أرضيها ومفيش فايدة لو عملت شغل البيت تقولي هو انتي عملتي حاجة ولا بتعرفي تعملي حاجة ببرها في صلاتي وبدعيلها ديما بس هي ديما شيفاني مختلفة من كام يوم شافتني ماسكة المصحف فبتقولي بتقري علشان حاجة قصدها علشان أتجوز يعني بس والله أبدا مش كدة خالص أنا كنت بقرأ علشان أنا بختم المصحف وأنا حافظة كام جزء وبحب أقرأ في القرآن ديما بلاقي رسايل من ربنا ليا وبرتاح أوي معرفش أعمل أية علشان أرضيها وحاجة كمان هي مبتحترمنيش قدام أي حد حتي أخواتي الأصغر مني بقوا بيجرحوني وبيهنوني والله سواء بالكلام أو بالتلميحات ..... لو فضفضت لأختي بتهاجمني هي كمان زي أمي بردة بس هما بيحبوني والله بس أنا حساسة قوي أنا حوالت قبل كده أبعد عنهم وأتجنب الكلام وأقعد لوحدي بس مبقدرش أو هما بيجو يتكلمو معايا قوليلى يادكتورة على طريقة أقدر أتعامل بيها معاهم .

 الرابط الاصلى للمشكلة 

------------------------ 

https://www.facebook.com/photo.php?fbid=692485087465030&set=a.680257115354494.1073741828.673974989316040&type=1&theater

 للرد على استفسارتكم يمكنكم التواصل معنا على الارقام التالية: -
( 22914419- 01098564819 ) 022

او عن طريق البريد الالكتروني 
dr.halahammad.bcc@gmail.com