شاركوا معنا بأرئكم فى حل هذه المشكلة ( القرار الصعب )
-----------------------------------------------------
-----------------------------------------------------
انا عندي مشكلة كبيرة ومش عارفة اخلص منها وتعبت نفسيا منها ومش عارفة ارتاح انا كنت مرتبطة من سنتين بزميل ليا في الكلية وهو اتقدملي بس بابا كان رافض لانه كان لسة طالب وبعد كده اكتشفت انه انسان مش كويس واني كنت مخدوعة فيه، اكتشفت انه منافق وممكن في اي لحظة يبيعني وفعلا باعني اكتر من مرة ورجعلي تاني انا المشكله عندي اني مش عايزة اكمل معاه مش حاسة بالامان معاه لان صدر منه مواقف كتير تدل علي انه كذاب لدرجه اني بقيت احس ان الكذب اصبح مرض جواه .
انا مشكلتي تتلخص في اني عايزة اسيبه ومش عارفة كأنه اصبح ادمان حاسة اني مش قادرة اسيبه ومش قادرة اتخيل ايامي الجاية من غيره ومش قادرة اخد الخطوة اني اسيبه مش عارفة افكر ومخنوقة من كتر منا حاسة ان جوايا حرب مع العلم انه سابني وارتبط بواحده تانية وبعد كده رجعلي وانا بقيت بكره ضعفي لاني مش عارفة اخد قرار ابعد عنه انا دلوقتي بقيت عايزة اكلم اي شاب عشان بقيت خايفة من تعلقي الزايد عايزة اتكلم مع اي شاب عشان اقدر انسي الشخص ده مش عارفة افكر ولا عارفة اعمل حاجة و بقيت تعبانة نفسيا وبقالي علي الحال ده سنتين مبقتش اعرف افرق بين كذبه من صدقه ده غير كده هو كان بينافسني علي منصب معيد في الجامعة وكان من الاوائل وانا برده كنت من الاوائل ودلوقت انا ال اخدت المنصب وتم تعييني معيدة بالجامعة
وده بيخليني احس انه بيغير مني بس بيخفي غيرته بس بعرف انه بيغير لانه بيتعصب بدون سبب لو كلمته علي الشغل ياريت تساعديني لاني مش عارفة اعمل ايه وحاسة انه مش هيكون زوج صالح وتنصحيني بإيه ؟؟
للرد على استفسارتكم يمكنكم التواصل معنا على الارقام التالية: -
( 22914419- 01098564819 ) 022
او عن طريق البريد الالكتروني
dr.halahammad.bcc@gmail.com
ليست هناك تعليقات:
إرسال تعليق