الى كاتبة الرسالة ( الم الانتظار ) فى ملتقي حديث الروح دكتورة هالة حماد

شاركوا معنا بأرئكم فى حل هذه المشكلة
فى ملتقي حديث الروح - فيس بوك  ( dr.hala hammad )
------------------------------

انا سنى 25 سنة
لو حد حبك وقالك استنينى لحد ما اجهز وفعلا استنتيه سنين طويلة وبعد ما كون نفسه نضج وتفكيرة اتغير وسابك ولا سال فيكى وعاش حياته وانتى كنتى بنيتى كل حياتك عليه وكنتى بتدعى ربنا بيه فى كل وقت (علما بان الاهل من الطرفين كانو عارفين ) ومكانش فيه حب او ارتباط او كلام كان مجرد وعد بالانتظار. ودلوقتى الموضوع انتهى بقالوا سنة واكتر وهو اتغير وعاش حياته وانتى جالك اكتئاب و بقيتى وحيدة ومتلخبطة فاقدة الثقة فى نفسك وفى الناس وخايفة من كل حاجة . ودلوقتى بقى عندك 25 سنة وبتكبرى وبتدبلى وبيتقدملك ناس وانتى مش قادرة تدى فرصة لحد وبتحسى بخوووف شديد وبتفضلى الوحدة او الدراسة على انك تقنعى نفسك بحد تانى . يعنى اوافق ومش مهم انا من جوايا حاسه بايه واظلم حد معايا ولا ارفض واكبر علما بان اهلى مبقوش قادرين يستحملوا الوضع ده وعاوزين يفرحوا بيا علما بان الموضوع ده فضل 6 سنين وطبعا فى الاول وفى الاخر قدر الله وما شاء فعل الواحد مش فى ايديه حاجة يعملها الموضوع ده شاغل تفكيرى وماثر على وفيه حد حاليا متقدملى وشبه الاهل كلهم موافقين وانا خايفة اظلمة واكمل معاه واسيبه واظلم نفسى .

الى كاتبة الرسالة ( الم الانتظار )
------------------------------
يبدو أن الحزن قد سيطر على حياتك وأصبحتي تري الدنيا من خلال نظارة سوداء ففقدتي الامل فى المستقبل وفقدتي الثقة فى نفسك والاخرين ،لقد عشتي سنوات وهو محور حياتك وكأنه كان جزء من تكوينك ، والان عليكي البحث عن نفسك وإسترجعها وبناءها وأقصد بهذا أن تعرفي مميزاتك وأحلامك ، ماذا تحبين وماهى الأشياء التي تشعرك بالسعادة والرضا وتبدئي فى وضع خطة لبناء ثقتك فى نفسك والتمرد على الماضي ،المؤلم ، فإذا وجدتي نفسك ممكن أن تفتحي قلبك وفكرك وإحساسك لمن يتقدمون إليكي وإعلمي أن بداخل كل منا بوصلة تساعده على معرفة من الشخص المناسب لنا ولكن نحتاج لسماع الصوت الداخلي ولا تنسي بالطبع صلاة الاستخارة . وعليكي بالدعاء للتوفيق في الأختيار وأخذ أراء المحيطين بكي ممن يهمهم أمرك وإعلمي أن هناك الشخص المناسب فى إنتظارك والسعادة قادمة ولكن نحتاج أن نؤمن بوجودها ونسعي إليها .

 المصدر : صفحة فيس بوك (dr.hala hammad)

 

 للرد على استفسارتكم يمكنكم التواصل معنا على الارقام التالية: -
( 22914419- 01098564819 ) 022

او عن طريق البريد الالكتروني
dr.halahammad.bcc@gmail.com